好耐未見過咁靚嘅罰球!曼聯舊將碧比35碼「落葉球」急墜收死龍

球場新聞 於 04/03/2022 發表 收藏文章
大家仲記唔記得碧比(Bebe)呢個名?呢位31歲嘅曼聯舊將,昨日喺西班牙國王盃四強,射入一球石破天驚嘅罰球,可惜球隊最後兩回合計仍以2-3出局。

講返呢球罰球,當時係比賽嘅80分鐘,碧比喺離門35碼位置主射罰球,佢大腳一踢,射出一球「落葉球」,個波喺門前突然急墜,對方守門員雖然撲到盡仍波皮都摸唔到。

官方精華:

loading


碧比喺2010年以700多萬英鎊嘅價格加盟曼聯,但係當時費爵爺係無睇過佢任何比賽就作出呢個決定,結果證明,呢筆收購無疑喺費爵爺手中其中一單失敗嘅收購,因為碧比效力曼聯4年間,只喺英超上陣過兩次,其餘時間都係外借。

碧比喺2014年夏天離隊,結束4年紅魔生涯,之後去到西甲發展,曾經效力過伊巴,並在2018年轉投華歷簡奴,有不少上陣機會。

如果喜歡我們的文章,請即分享到︰

標籤: 碧比  Bebe  

留言


請按此登錄後留言。未成為會員? 立即註冊
    快捷鍵:←
    快捷鍵:→