好波、有禮、識尊重人!夏蘭特就是值得你喜愛的球星

球場新聞 於 18/09/2022 發表 收藏文章
夏蘭特(Erling Haaland),呢位有射術、有爆發力嘅曼城前鋒,可能係當今世上最令後衛頭痛嘅球員,今時今日嘅佢炙手可熱,佢絕對有本錢耍大牌、擺球星款,但呢位22歲嘅年輕人不但無因為自己爆紅而囂張跋扈,仍然謙遜有禮,以下呢條影片可以證明:

loading

當工作人員在訓練後收返訓練服嘅時候,幾乎所有曼城球員都係咁將件衫放落地留俾工作人員執,有啲甚至將件衫隨手一拋,掟到工作人員嘅面上,唯獨夏蘭特係親手將件衫交俾工作人員手上,隨後亦得到工作人員拍背表示讚賞。

22歲嘅夏蘭特雖然已貴為一線球星,但仍然好似仲擁有一顆赤子之心,過往嘅採訪都顯得非常靦腆,而且十分坦率直接。佢嘅呢種性格同佢嘅球風非常相似,場上嘅夏蘭特簡單、直接,甚至有啲粗暴,對上一場歐聯比賽嘅賽後訪問,佢就提過,自己嘅夢想就係一場波觸球5次,取得5個入波,可見佢十分了解和認同自己嘅踢法同優點。

夏蘭特今季仍然入球停不了,歐聯嘅神奇入波更加奠定咗佢頂級前鋒嘅地位,呢種只有伊巴謙莫域(Zlatan Ibrahimovic),或者雲巴士頓(Marco van Basten)級數球員先做到嘅入波,依家喺呢位22歲球星身上見到,足見佢前途必定無可限量!

如果喜歡我們的文章,請即分享到︰

標籤: 夏蘭特  

留言


請按此登錄後留言。未成為會員? 立即註冊
    快捷鍵:←
    快捷鍵:→