大膽！21小將泰華利斯竟敢喺阿迪達面前嬲爆掉套？

英格蘭足總盃第三圈，阿仙奴竟然爆冷輸咗俾英冠嘅球隊諾定咸森林。呢場波，21小將泰華利斯正選上陣，可惜佢嘅表現真係強差人意，於是佢只係踢咗約半小時就被主帥阿迪達換出。

泰華利斯無受傷，又無食牌，所以當佢知道自己被換出時顯得十分不滿，然後仲將手套掉喺地下，又解開咗頭發，睇落係好不滿呢次換人。

其實主帥阿迪達喺場上一直對泰華利斯大加指責，最終都係頂佢唔順，決定換佢出場。根據統計，泰華利斯喺短短30幾分鐘內失咗9次波，所以真係唔好怪阿迪達點解咁嬲。

有人仲用以下呢條片嚟諷刺泰華利斯今場波嘅表現：

所謂得罪方丈無運行，阿迪達作為主帥最顯霸氣嘅一次係禠奪奧巴美揚隊長職務，並且仲因為後者一再違反紀律而令到阿迪達非常不滿。

所以希望泰華利斯汲取教訓，畢竟阿迪達都曾經大力稱讚呢位非常有潛質嘅小將。