場上鬥到場下!尼馬15分鐘內遭死敵「冧低」3次,場下 twitter 再互串!

球場新聞 於 14/01/2021 發表 收藏文章
法國超級盃,效力巴黎聖日耳門嘅尼馬第66分鐘後備出場,正所謂「仇人見面份外眼紅」,尼馬係短短出場15分鐘內就遭到對手4次粗野攔截,當中有3次係俾死敵艾華路蘇比朗「冧低」,包括一次摟頭抱摔!

第一次:尼馬啱啱場,艾華路蘇比朗就送上一個下馬威,喺禁區附近,直接伸腳將尼馬放倒。

第二次:5分鐘後,最嚴重嘅一次犯規出現了。尼馬中場左邊突破,速度稍慢嘅艾華路蘇比朗眼見追唔到尼馬,於是直接雙手抱住尼馬個頭,將佢推低。因為呢個粗野動作,艾華路蘇比朗食咗黃牌。

第三次:80分鐘,有牌在身嘅艾華路蘇比朗用同第一次差唔多嘅動作再次「冧低」尼馬。

艾華路蘇比朗粗野攔截一覽:

賽後尼馬發左一個伸脷嘅相上twitter,並寫上「聽講你叫艾華路?」旁邊仲有一個獎盃,攞明串對方。

之後,艾華路蘇比朗不甘示弱,放一張場上雙手捉住尼馬個頭嘅相,寫住「我父母最中意叫我丟垃圾,馬賽加油!」明串尼馬係垃圾。尼馬邊會咁就算,回覆佢「睇嚟你父母無教你點攞冠軍」仲要放好多個哈哈笑。

其實尼馬同艾華路蘇比朗之間嘅恩怨要追溯到今季雙方首次交鋒。當時尼馬喺比賽最後時刻被趕出場,佢聲稱自己遭到艾華路蘇比朗嘅種族歧視,艾華路否認之餘,仲指責尼馬利用球迷對佢進行網絡欺凌,呢件事最終不了了之,但兩人就從此留下好深嘅牙齒印。睇嚟日後見面應該仲有好戲睇!

如果喜歡我們的文章,請即分享到︰

標籤: 尼馬  艾華路蘇比朗  

留言


請按此登錄後留言。未成為會員? 立即註冊
    快捷鍵:←
    快捷鍵:→