單換C朗?曼聯想用C朗換「新魔獸」,拿坡里教練默認!

球場新聞 於 28/08/2022 發表 收藏文章
曼聯與意甲嘅拿坡里正在醞釀一單驚人交易。據聞,曼聯希望送出C.朗拿(Cristiano Ronaldo),換取心儀已久,有「新魔獸」之稱嘅拿坡里前鋒奧斯文(Victor Osimhen)。

據天空體育報導,C朗嘅經理人文迪斯(Mendes)頻頻游說拿玻里,收購呢位五屆金球獎得主,而拿坡里就將奧斯文送到曼聯。今日,拿坡里主教練史巴列堤就間接承認呢個傳聞,但佢話呢個唔係一個單換方案,而係兩個獨立嘅交易。


報道亦稱,拿坡里正在為奧斯文尋找價值1.2億歐元嘅合約,如果C朗以租借形式加入拿坡里,佢哋希望曼聯可以支付呢位葡萄牙球星80%嘅巨額工資。不過,曼聯將如何負擔得起呢筆錢係個大問題,尤其是當佢哋又正在準備另一份大報價,目標係阿積士嘅翼鋒安東尼(Antony)。

除咗拿坡里,據意大利記者 Gianluca Di Marzio 報道,文迪斯亦有搵AC米蘭,並提議將拉斐爾·利亞奧(Rafael Leao)送到曼聯,以獲得C朗,不過據說聖西路已經拒絕咗呢個建議。

C朗今夏已經想離開奧脫福,雖然紅魔主帥坦赫重申想留低C朗,但以佢呢兩場嘅調動,C朗離隊似乎只係時間嘅問題。

如果喜歡我們的文章,請即分享到︰

標籤: 奧森漢  

留言


請按此登錄後留言。未成為會員? 立即註冊
    快捷鍵:←
    快捷鍵:→