又避波?C朗做人牆雙手擋面 + 縮頭唔跳致失球

球場新聞 於 22/04/2021 發表 收藏文章
意甲祖雲達斯喺主場以3-1擊敗帕爾馬,C朗拿度傷愈復出後正選上陣,可借今場比場佢嘅發揮就有啲低迷,全場5射0入波,除咗進攻低迷,祖記唯一嘅失球,C朗要負一定責任,因為佢喺排人牆嘅時候,竟然唔跳,仲雙手擋住塊面,結果導致失球。而呢一下,亦受到不少嘅批評。如果球迷有印象,歐聯16強賽事,C朗都有一次排人牆驚波導致失波,今次又係咁。

比賽進行到第25分鐘,帕爾馬獲得一個禁區前偏左側嘅罰球機會,而呢個罰球嘅位置同44日前歐聯賽事,波圖射入嘅嗰球,位置幾乎一致。
視記今次汲取教訓,搵一個球員訓低喺草坪上以防地波,同時仲排出四人嘅人牆,當對方主射罰球時,四人人牆中嘅三人齊齊起跳,唯獨C朗一入無起跳,而且仲用雙手擋著個塊面,荒死俾人省到個靚仔樣(呢句係主觀評語嚟),而個波又啱啱喺佢頭頂飛過直奔龍球門入網,唔通對手睇通咗C朗驚波呢樣嘢?


影片:
https://www.youtube.com/watch?v=FjGXZmK2dj4

當時 BeIN Sport 當場批評C朗:「如果你擔心嘅話就唔好再人牆啦!」而著名體育媒體 B/R Sport 亦都喺twitter 反問C朗究竟當時做緊咩嘢?
loading


其實C朗排人牆出事都唔係第一次,上次歐聯對波圖都出過事:
https://www.youtube.com/watch?v=aKc6HYu3HgM
好明顯,C朗真係無乜態,佢自己喺賽後都好唔開心,仲喺球證吹停比賽嘅情況下將個波踢得非常高嚟發泄怒火,而呢個動作亦令佢食咗張黃牌。
https://www.youtube.com/watch?v=iXK1nJ_ILdg

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→