全場最佳沙卡表示:MVP另有其人!

球場新聞 於 29/06/2021 發表 收藏文章
瑞士爆大冷,竟然可以落後兩球下逼到法國要12碼分勝負,最後更贏咗呢隊如日中天嘅世界冠軍,搞到一地眼鏡碎。除咗因為法國隊自己作死之外,瑞士隊嘅頑強鬥志亦得到外界稱讚,尤其隊長兼核心人物沙卡嘅表現,佢今場的確表現出世界級嘅質素,賽後更獲得全場最佳(Man of the Match)。一齊睇下沙卡嘅亮麗數據:

出場120分鐘,觸球102次,3次關鍵傳球,1次直接助攻,8次長傳全部成功(全場最高),87次傳球80次成功(全場最高),傳球成功率87%,3次被侵犯。防守端,他也貢獻了1次解圍、1次封堵對方射門、3次攔截、2次搶斷。


無論進攻定係防守,沙卡喺中場嘅表現令人印象深刻,對瑞士嚟講,佢係真正嘅領袖,球技、溝通同組織能力都係頂級水準!

不過沙卡非常謙虛,佢喺賽後記者會向教練柏高域(Vladimir Petkovic)遞上 Man of the Match 獎盃,更表示呢個獎係屬於教練。

loading

的確,柏高域今場嘅調動非常出色,換入嘅加夫蘭洛域(Mario Gavranović)同奇雲麥巴布​ (Kevin Mbabu)兩人分別一個入波一個助攻,成功協助瑞士逼和法國。

除咗呢場波,今屆嘅歐洲盃頻頻出現令人意想不到嘅入球同賽果,而呢隊瑞士今晚成為歐洲嘅主角,唔知佢哋可以喺呢個神奇嘅旅程中行到幾遠呢?真係十分期待!

話事話,沙卡踢得咁好,關唔關飲可樂事?(利申:筆者無收任何廣告錢)

如果喜歡我們的文章,請即分享到︰

標籤: 沙卡  柏高域  

留言


請按此登錄後留言。未成為會員? 立即註冊
    快捷鍵:←
    快捷鍵:→