假到連總統都嬲!最後2分鐘紙板防守連送2球助對手升班

球場新聞 於 07/12/2021 發表 收藏文章
球壇上嘅假波禁之不絕,尤其喺落後國家,情況就更加嚴重。近日喺哥倫比亞就有一場假波,假到連總統都要出聲,話係國家嘅恥辱!

話說喺哥倫比亞乙級聯賽附加賽B組最後一輪之前,福塔雷薩CEIF以10分領先,馬格達萊納聯盟就以8分排名第二,然而呢個組別只有一個升班名額。去到最後一輪賽事,福塔萊薩主場以1-2不敵波哥塔,因此馬格達萊納聯盟只需要戰勝拉尼羅斯,就可以以11分升班。

呢場比賽踢到第81分鐘嘅時候,拉尼羅斯先開紀錄,如果以呢個比數結束,馬格達萊納聯盟就升唔到班。不過世事無絕對,去到比賽最後時刻,令人震驚嘅一幕上演。95分鐘時,馬格達萊納聯盟送出長傳,佢哋嘅前鋒輕鬆殺入禁區勁射破門。係,真係好輕鬆,只係係咁易追幾下然後目送對方射入。

呢下只係一時唔留神?一分鐘後,更離譜嘅一幕出現了。馬格達萊納聯盟門將後場長傳,拉尼羅斯後衛呆喺禁區外,目送對方球員帶波單挑門將。之後,馬格達萊納聯盟門球員橫傳,拉尼羅斯球員竟然全部紙板人咁睇位對手勁射破網。

馬格達萊納聯盟就係咁,喺最後時刻逆轉反勝,真係夠晒熱血!

可惜呢個咁熱血嘅故事,似乎大家都唔係好受落,連哥倫比亞總統都要出聲:「呢個係國家嘅恥辱!體育講求透明同誠信,以及對任何違背體育精神嘅行為都零容忍。我要求體育部門跟進調查,並向我解釋!」


一齊睇下場波有幾假:

如果喜歡我們的文章,請即分享到︰

標籤: 假波  

留言


請按此登錄後留言。未成為會員? 立即註冊
    快捷鍵:←
    快捷鍵:→