保方可否不要老!43歲老門神又刷新意甲一紀錄

球場新聞 於 13/05/2021 發表 收藏文章
保方喺短暫效力PSG一個賽季後就返到意大利嘅家祖雲達斯,成為第二門將,然而佢同祖記嘅合同喺今夏到期,今季結束後佢將會再次離開祖記。

祖記主帥派路今場就俾咗保方一個正選嘅機會表現自己,儘管已經43歲,但保方無令派路同球迷失望。

比賽第16分鐘,對手薩斯索羅得到一個12碼,不過呢球過唔到保方嘅五指山,佢嘅判斷非常准確,佢一個側撲就將個波救出。保方呢次撲救筆者覺得非常關鍵,因為一旦喺比賽早段就失波,作客嘅祖記會面臨極大嘅壓力,唔單止咁,保方嘅成功撲救亦激發咗球隊嘅鬥志。


撲到呢球12碼,令保方成為意甲史上撲出12碼年齡最大嘅球員,另外一個數據係, 最近保方五次撲點,有兩次成功,成功率高達40%。除了呢球精彩嘅12碼之外,保方今場比賽仲有另外一次同樣精彩嘅撲救,比賽第40分鐘,對方喺禁區前偏左側起右腳抽射龍門右下角,保方反應奇快將個波撲出。

其實保方也算可以話係祖記今季嘅幸運星,佢今季各項賽事出場13次,球隊取得11勝2和嘅不敗戰績。

祖記未來仲有4場正式比賽要踢,分別係3輪意甲以及一場意大利盃決賽,即將離隊嘅保方會否再次得到出場機會亦都成為大家談論嘅焦點。

保方救出12碼官方片段

如果喜歡我們的文章,請即分享到︰

標籤: 保方  

留言


請按此登錄後留言。未成為會員? 立即註冊
    快捷鍵:←
    快捷鍵:→