你教我戰術？賓菲加20歲小將對教練戰術板指手劃腳，結果GG了！

一隊球隊嘅教練，如果無返咁上下權威性，點會壓得住一班自以為是嘅大帝。

今日凌晨嘅歐聯附加賽次回合，賓菲加以0-0作客打和PSV燕豪芬，總分2-1淘汰對手殺入缺席咗一年嘅歐聯分組賽事。比賽中有個有趣場面，當賓菲加主帥傑蘇斯對20歲嘅射手佈置戰術時，被對方打斷，傑蘇斯瞬間暴怒！

話說喺比賽嘅補時階段，傑蘇斯將88號嘅拉莫斯（Gonçalo Ramos）叫到場邊，拿着戰術板叫佢應該點做點做，點知呢位20歲嘅前鋒似乎認為教練嘅戰術有問題，仲對着戰術板指手劃腳，結果俾傑蘇斯大鬧特鬧，真可謂「初生之犢不畏虎」！

完整片段：https://www.youtube.com/watch?v=SlXfN4SNcxM

67歲嘅傑蘇斯喺葡萄牙足壇縱橫多年，執教過賓菲加、士砵亭、布拉加等多支勁旅，今日竟然遭到一個20歲嘅黃毛小子質疑，睇到呢一幕，隔離燕豪芬主帥都嚇一嚇。

返到後備席，傑蘇斯依然怒氣未消，而拉莫斯則一臉尷尬返到球場。