世紀預判失誤!賓菲加門將「冷靜」縮手,助對手入波!

球場新聞 於 12/03/2019 發表 收藏文章
大家覺得門將邊樣能力最重要?反應?身材?手法?以上統統都重要,仲要一樣叫「預判」,一樣咁重要。所謂嘅「預判」,就係你判斷皮球或球場下一刻狀態嘅能力。門將預判失誤,往往就會出現失球。

近日,葡超勁旅賓菲加嘅門將 Odisseas Vlachodimos 就出現了一幕世紀預判失誤,出醜於人前。

一場比蘭倫斯嘅比賽中,賓菲加一度領先2-0,戰至第66分鐘,比蘭倫斯獲得一個35碼左右嘅罰球,對方開出罰球,但第一點無人搶到,個波彈地再飛向龍門左上角,原本 Odisseas 可以輕鬆接住個波,不過佢卻以為個波會出界,於是選擇側身縮手躲開,但個波最後飛咗入網。

呢一球改變咗個波形式,比蘭倫斯之後又入多球,最終2-2逼和賓菲加。無獨有偶,上賽季賓菲加另一個門將 Mile Svilar 喺歐聯賽場對陣曼聯時,都出現過一個離奇失誤。同一隊兩個門將都雙雙出現離奇失誤,唔通失誤呢家嘢係會傳染嘅?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→