【最佳關公】邀請伊巴後,哈化柏林再邀請CR7加盟!

有趣足球事件簿 於 17/06/2017 發表 收藏文章
近年來,有一個網絡潮語急速彈起,佢就係「關公災難」啦。喺「棟篤笑之神」黃子華的一場棟篤笑入面,佢就曾經講過一句:「做人冇公關,食屎架啦!」

至於點解會係「關公災難」,唔係「公關災難」呢?好簡單,因為好笑啲囉。

講返正題先,如果提到足球世界入面,最出色的公關,大家會諗起邊隊?唔知會唔會係來自德甲的哈化柏林呢?點解?因為佢地近期都出咗唔少相當有趣味的Post,而其中一條,就係邀請不獲曼聯續約的伊巴謙莫域加盟啦!

除咗邀請伊巴加盟之外,哈化柏林仲有咩力作?最新的一個力作,就係招攬皇家馬德里前鋒C.朗拿度過檔啦!點解無啦啦邀請CR7轉會?咪就係因為呢一位葡萄牙球星,近期身陷逃稅的風波,有機會喺短期之內離開西甲囉。


當然,C.朗拿度離開皇馬呢個消息,現時都只係傳言姐,呢一位葡萄牙球星未必會離開銀河艦隊架,所以哈化柏林搶人成功的機會率,都唔會好高,不過出一出Post吸Like,都係一件好事黎嘅~~~

留言


請按此登錄後留言。未成為會員? 立即註冊
    快捷鍵:←
    快捷鍵:→