【玩曬啦】不敗姿態連奪三冠,「羅氏些路迪」威盡蘇格蘭!

有趣足球事件簿 於 28/05/2017 發表 收藏文章
正當大部份的球迷,都喺度關注緊阿仙奴2:1戰勝車路士、然後拎咗足總盃冠軍的同時,亦都有另一支實力強橫的球隊,成功喺盃賽決賽入面,以同樣的比數戰勝對手兼捧盃添!呢一隊就係蘇超豪門些路迪啦!



喺日前舉行的蘇格蘭盃決賽入面,些路迪以2:1反勝鴨巴甸,成功拎到今屆賽事的冠軍獎盃。憑住前利物浦教練羅渣士的英明領導,些路迪今季已經先後拎咗蘇超同埋蘇格蘭聯賽盃的冠軍,今次再拎蘇格蘭盃冠軍,就令到佢地成為三冠王啦!

值得一提的係,些路迪今季係以不敗的姿態,榮登三冠王的寶座,因為佢地今季喺聯賽的戰績,就係34勝4和0負,再加上兩度殺入盃賽決賽,仲要拎埋冠軍,就令到呢一支蘇超勁旅,成為一支全季保持不敗的三冠王。

當然啦,有人歡喜有人愁,喺些路迪榮登三冠王的同時,鴨巴甸就成為咗三亞王,無論係聯賽、聯賽盃或者蘇格蘭盃入面,喺1903年成立的鴨巴甸,都係拎到亞軍,認真陰公。
標籤: 羅渣士  些路迪  

留言


請按此登錄後留言。未成為會員? 立即註冊
    快捷鍵:←
    快捷鍵:→