【輸波又輸品】摩納哥中堅刻意踩傷希古恩,或遭秋後算帳!

有趣足球事件簿 於 10/05/2017 發表 收藏文章
較早前,祖雲達斯喺歐聯4強次回合既比賽入面,以2:1擊敗咗摩納哥,兩回合計以4:1晉級決賽,而喺今場比賽入面,就發生咗一段既小插曲,涉事主角就係客隊中堅基歷克(Kamil Glik)。

喺下半場中段,基歷克喺一次既爭波入面,刻意踩向祖雲達斯前鋒希古恩既膝頭上面,令到呢位阿根廷國腳痛苦倒地,但摩納哥隨後並無因為咁,即時踢個波出界外,反而繼續進攻,搞到主隊中堅邦路斯極為不滿,仲鬧爆球證,最終領黃。


http://img1.dongqiudi.com/fastdfs1/M00/71/80/o4YBAFkSgt2AJNGHABsP0OTJs0M823.gif

好彩既係,希古恩喺接受治理之後,膝頭冇出現嚴重既受傷,可以繼續比賽,而基歷克之後亦都繼續周圍辣火頭,然後搞到另一位祖記既前鋒文素基治,都食咗張黃牌。

賽後,基歷克喺接受訪問既時間,承認自己踩中希古恩既行為,係好有機會食紅牌,但係呢位摩納哥中堅就強調,祖雲達斯近年一直受到球證既「照顧」,似乎怨恨好深喎,到底點解會咁呢?

原來基歷克喺效力摩納哥之前,係喺意甲球隊拖連奴搵食,所以自然將祖雲達斯視為宿敵,但係腳踩膝頭呢個動作實在太危險啦,所以歐洲足協好有可能會喺基歷克秋後算帳。
標籤: 基歷克  希古恩  

留言


請按此登錄後留言。未成為會員? 立即註冊
    快捷鍵:←
    快捷鍵:→