【禍不單行】白禮頓錯失英冠冠軍之餘,更有球員爆出「偷食」醜聞!

有趣足球事件簿 於 08/05/2017 發表 收藏文章
較早前,提早鎖定升班資格既英冠球會白禮頓,居然大意失荊州,喺最後一輪既聯賽意外和咗俾阿士東維拉,搞到奪冠冇望,而今屆既英冠盟主寶座,就落咗喺紐卡素手上。

正所謂「低處未算低」,喺失冠既同時,有英國媒體「爆料」,話白禮頓既後防大將沙恩杜菲(Shane Duffy)因為偷食搞到一身蟻,仲要有圖有真相,今次就真係水洗都唔清啦!



據了解,沙恩杜菲既偷食對象係一位叫做丹妮娜(Daniella Francesca)既女士,而丹妮娜就表示,自己係喺30歲既生日party上面認識沙恩杜菲,然後呢位白禮頓後衛就向自己發動攻勢,最終建立咗性關係。

到底件事點解會被踢爆?係因為丹尼娜趁住沙恩杜菲熟睡個陣影咗張相,仲要post埋上網,而沙恩杜菲既女友就咁岩見到,所以事件就因而曝光,而丹尼娜就堅持呢位白禮頓後衛話自己係單身,所以自己先會選擇同佢發生關係。


消息傳開之後,有唔少既球迷都炮轟沙恩杜菲係「新一代賤男」,仲話白禮頓拎唔到冠軍係咎由自取,因為佢地冇好好咁管理自己既球員,仲喺確定升班資格之後放軟哂手腳,所以咪出事囉。

參考:

https://www.thesun.co.uk/news/3499041/brighton-footie-ace-shane-duffy-caught-cheating-after-pictures-of-him-naked-in-another-girls-bed-were-posted-on-social-media/?CMP=Spklr-_-Editorial-_-TheSunFootball-_-Football-_-TwImageandlink-_-Statement-_-TWITTER
標籤: 沙恩杜菲  

留言


請按此登錄後留言。未成為會員? 立即註冊
    快捷鍵:←
    快捷鍵:→