今輪英超，熱切「爭四」既利物浦喺主場以0：0和咗修咸頓，而紅軍副隊長就喺66分鐘射失十二碼，令到主隊錯失全取3分既大好機會。喺主射十二碼之前，鏡頭就發現修咸頓門將費沙科士打走咗埋去十二碼點附近，喺度同占士米拿咬咗一輪耳仔，之後呢位利物浦中場就射失咗啦，唔知呢位「神經刀」門將同占士米拿講咗乜野呢？賽後，占士米拿喺訪問入面，將冇得贏波既責任歸咎於自己，冇提到費沙科士打同自己講咗啲乜。至於成為咗修咸頓英雄既費沙科士打亦都一樣，冇透露自己同占士米拿講咗乜野，淨係提到自己喺賽前，曾經計劃過點救十二碼，亦都提到自己同占士米拿曾經喺紐卡素合作，所以輕易咁捉到路，唔知真唔真呢？
請按此登錄後留言。未成為會員? 立即註冊