【向歧視向不】勇敢對抗種族歧視,前加納國腳獲聯合國專員盛讚!

有趣足球事件簿 於 02/05/2017 發表 收藏文章
對於唔少既球迷黎講,卡利亞里1:0小勝佩斯卡拉既比賽,只係一場微不足道既意甲賽事,但係呢一場下游大戰,居然引起咗聯合國既關注,原因在於球賽進行期間,發生咗既一段小插曲。

呢場比賽入面,佩斯卡拉既中場球員蒙達利(Sulley Ali Muntari),受到好多主場球迷既種族歧視,而呢位前加納國腳就選擇向球證投訴,但係球證居然勸佢「多一事,不如少一事」,甚至向佢出示黃牌,令到蒙達利嬲爆離場。


賽後,好多球迷喺網上大讚蒙達利既傲骨,仲鬧爆一班向呢位佩斯卡拉中場作出種族歧視既卡利亞里球迷。至於蒙達利本人亦都喺賽後既訪問入面表示,自己唔會向宣揚種族歧視既人屈服,仲批評球證處理不當。

令人意想不到既係,有聯合國人權事務處既高級專員,公開讚揚蒙達利既行為,仲話呢位曾經喺國際米蘭、AC米蘭都效力過既加納球員,成為咗聯合國人權事務處的榜樣添!

老實講,做咩要歧視人地呢?只係膚色或者文化唔同姐,都無必要踩低對方既,而個球證又係衰既,冇好好咁保護今次既比賽同埋所有既在場球員,應被問責!


參考:

https://www.theguardian.com/football/2017/may/01/sulley-muntari-walks-off-racist-abuse-pescara
標籤: 蒙達利  

留言


請按此登錄後留言。未成為會員? 立即註冊
    快捷鍵:←
    快捷鍵:→