【高薪低能】卡斯辛奴狂踩三將名大於實,包括「巴神」!

有趣足球事件簿 於 29/04/2017 發表 收藏文章
卡斯辛奴,一位曾經被喻為係足球天才既「壞孩子」,喺今年1月同森多利亞解約之後,加盟咗意丁球隊Sampierdarenese,以保持作戰既狀態,希望喺職業生涯既最後一段路上,繼續踢出精彩。

日前,卡斯辛奴就喺一次既訪問入面,講起球壇依家既生態,仲話有好多既球員都係名大於實,雖然拎住高人工,但係表現就一啲都唔合格。一向作風大膽既佢,仲舉咗3個「高薪低能」既例子,分別係占士洛迪古斯、普巴同埋巴洛迪利。



卡斯辛奴咁講:「3位名大於實既球員?占士洛迪古斯、普巴同埋巴洛迪利啦。我一直都唔覺得占士洛迪古斯值8000萬歐元囉,如果佢值,咁恩尼斯達又應該值幾多錢呢?」

「至於巴洛迪利,雖然佢係我既朋友,但佢都係高薪低能既其中一份子。佢同普巴一樣,都係拉奧拿(著名經理人)既客戶,亦都因為呢位睇錢好重既經理人,佢地先有機會喺大球會度效力。」


留言


請按此登錄後留言。未成為會員? 立即註冊
    快捷鍵:←
    快捷鍵:→