大件事啦！繼前鋒伊巴謙莫域因傷「收咧」之後，曼聯既軍心睇黎會再次受到影響啦！較早前，西班牙《馬卡報》報導，紅魔門將迪基亞經已向球會遞交轉會申請，表示自己希望喺今個夏天，加盟西甲豪門皇家馬德里！
喺2015年夏天，迪基亞曾經接近加盟皇馬，但係由於轉會文件交遲咗，令到呢位西班牙國腳最終繼續留隊。不過，原來迪基亞對於轉投皇馬一事，一直都冇放過，依家曼聯仲未穩奪來季既歐聯資格，令到「聖基亞」決定離隊，追逐更理想既職業發展。
據了解，皇馬依家已經做好簽入迪基亞既準備，一旦交易最終完成，雙方將會至少簽約5年。值得一提既係，迪基亞既合約違約金大約係6000萬歐元，意味住皇馬要完成收購，就肯定要拎出呢筆轉會費說服曼聯放人。
如果迪基亞最終真係以6000萬歐元或以上既價錢加盟皇馬，佢就會壓過祖雲達斯隊長保方，成為世上身價最貴既門將球員。
曼聯賣走咗迪基亞之後，簽返個新門將既機率都相當高，而曼城既祖赫特、熱刺既羅利斯同埋馬德里體育會既奧比歷，都係佢地既潛在收購目標。當然，摩連奴都可以選擇簽返皇馬既拿華斯，以補不足。
喺2015年夏天，迪基亞曾經接近加盟皇馬，但係由於轉會文件交遲咗，令到呢位西班牙國腳最終繼續留隊。不過，原來迪基亞對於轉投皇馬一事，一直都冇放過，依家曼聯仲未穩奪來季既歐聯資格，令到「聖基亞」決定離隊，追逐更理想既職業發展。
據了解，皇馬依家已經做好簽入迪基亞既準備，一旦交易最終完成，雙方將會至少簽約5年。值得一提既係，迪基亞既合約違約金大約係6000萬歐元，意味住皇馬要完成收購，就肯定要拎出呢筆轉會費說服曼聯放人。
如果迪基亞最終真係以6000萬歐元或以上既價錢加盟皇馬，佢就會壓過祖雲達斯隊長保方，成為世上身價最貴既門將球員。
曼聯賣走咗迪基亞之後，簽返個新門將既機率都相當高，而曼城既祖赫特、熱刺既羅利斯同埋馬德里體育會既奧比歷，都係佢地既潛在收購目標。當然，摩連奴都可以選擇簽返皇馬既拿華斯，以補不足。
請按此登錄後留言。未成為會員? 立即註冊