【跟車太貼】普捷天奴聲稱與「拼圖王」為敵?

有趣足球事件簿 於 27/04/2017 發表 收藏文章
較早前,英國《太陽報》報導,前巴塞隆拿中場沙維喺訪問入面,建議恩師哥迪奧拿將熱刺中場阿里帶到曼城,而相關既言論,就引黎熱刺教練普捷天奴既不滿。

普捷天奴話,沙維呢番既言論係意圖打擊熱刺既軍心,削弱佢地既爭冠能力,所以係佢既敵人(Xavi is my enemy)。同時,普帥亦都好理解沙維既言論,因為佢認為「拼圖王」咁講,係對哥迪奧拿既一番好意。


問題就黎啦!冇幾耐之後,沙維喺接受另一個媒體採訪個陣,誓神劈願話自己無同《太陽報》做過任何訪問,仲話建議曼城收購阿里既言論,只係由《太陽報》既記者亂作。

隨後,曼城教練哥迪奧拿都喺賽前記者會度表示,佢地冇收購阿里既打算,仲隔空向普捷天奴「拍曬心口」,話阿里下季肯定會繼續係熱刺既一份子添,似乎真係冇乜意欲搶走阿里咁喎。


呢幾個報導出咗街之後,有唔少既球迷都笑普捷天奴「跟車太貼」,仲話普帥好信唔信,居然信《太陽報》。不過,亦都有唔少既熱刺球迷表示,普捷天奴既表態相當有霸氣,因為佢既目的係為咗保護熱刺既球員,所以錯既應該只係《太陽報》。
標籤: 普捷天奴  阿里  沙維  哥迪奧拿  

留言


請按此登錄後留言。未成為會員? 立即註冊
    快捷鍵:←
    快捷鍵:→