【拎獎拎到手軟】前李斯特城中場,收獲職業生涯第24冠!

有趣足球事件簿 於 25/04/2017 發表 收藏文章
喺今輪既希臘超級足球聯賽入面,傳統勁旅奧林比亞高斯就以5:0大勝基亞尼拿,提前一輪鎖定今屆既聯賽冠軍。值得一提既係,呢個冠軍獎盃亦都係隊內中場、前李斯特城球員甘比亞素職業生涯入面,第24個球會錦標!



曾經過效力過皇家馬德里、獨立隊、河床、國際米蘭同埋李斯特城既甘比亞素,依家經已係一位36歲既老將,喺2015年夏天離開李城之後,佢就轉投咗奧林比亞高斯,表現持續穩定,加盟首季已經成功幫球隊拎到希超冠軍。

今季,甘比亞素既經驗再一次為奧林比亞高斯帶來貢獻,第二度為球隊摘下聯賽冠軍,簡直係架勢堂呀!


值得一提既係,原來今次既奪冠,原來奧林比亞高斯史上,第44次拎到聯賽冠軍,而呢一支希超勁旅更加係連續7季,勇奪呢一項既殊榮,足以反映到佢地喺希臘既霸權地位!

除咗甘比亞素之外,仲有一班耳熟能詳既球星,都係奧林比亞高斯今次奪冠既一份子,包括踢過利物浦既左閘球員阿里施素高(Aly Cissokho)、前賓菲加中鋒奧斯卡卡度素(Oscar Cardozo)同埋德國翼鋒馬連(Marko Marin)。


奧林比亞高斯官網:
http://www.olympiacos.org/
標籤: 甘比亞素  馬連  阿里施素高  

留言


請按此登錄後留言。未成為會員? 立即註冊
    快捷鍵:←
    快捷鍵:→