坊間一直有個講法，就係話無論邊個人做巴塞隆拿既主席或者教練，「地上最強」入面擁有最高話事權既一位，都係阿根廷球王美斯。雖然巴塞主席巴杜美奧曾經多次否認有關既說法，但係呢個傳言一直都冇消失。
較早前，有傳巴塞隆拿將會喺今季完結後，出價回購翼鋒球員迪路菲奧，但係意大利《米蘭新聞網》收到既消息就話，美斯反對呢一次既回購，因為佢好希望球隊能夠好好利用每一分每一毫既轉會費，去買頂級球星。
按照合約規定，巴塞可以喺今個夏天，以1200萬歐元既轉會費從愛華頓回購迪路菲奧，但係美斯就對球會呢個決定唔係幾滿意，而事實上，呢位阿根廷國腳已經唔係幾滿意巴塞喺舊年完成既幾次收購，其中包括引入艾卡沙同埋安祖高美斯。
如果美斯真係出面叫巴塞唔好買迪路菲奧，球會好可能真係會聽呢位命根既說話去做架，唔知回購不成，最開心既會唔會係愛華頓或者AC米蘭呢？
米蘭新聞網：
http://www.milannews.it/dall-estero/dalla-spagna-barcellona-messi-non-vuole-deulofeu-251422
較早前，有傳巴塞隆拿將會喺今季完結後，出價回購翼鋒球員迪路菲奧，但係意大利《米蘭新聞網》收到既消息就話，美斯反對呢一次既回購，因為佢好希望球隊能夠好好利用每一分每一毫既轉會費，去買頂級球星。
按照合約規定，巴塞可以喺今個夏天，以1200萬歐元既轉會費從愛華頓回購迪路菲奧，但係美斯就對球會呢個決定唔係幾滿意，而事實上，呢位阿根廷國腳已經唔係幾滿意巴塞喺舊年完成既幾次收購，其中包括引入艾卡沙同埋安祖高美斯。
如果美斯真係出面叫巴塞唔好買迪路菲奧，球會好可能真係會聽呢位命根既說話去做架，唔知回購不成，最開心既會唔會係愛華頓或者AC米蘭呢？
米蘭新聞網：
http://www.milannews.it/dall-estero/dalla-spagna-barcellona-messi-non-vuole-deulofeu-251422
請按此登錄後留言。未成為會員? 立即註冊