【後生可畏】15歲「日本美斯」連跳兩級,出戰U-20世界盃?

有趣足球事件簿 於 16/04/2017 發表 收藏文章
由於傳媒既不斷褒獎一班年輕球員,所以「乜乜美斯」、「物物美斯」既稱號就隨之而來,而其中一位就係年僅15歲既「日本美斯」久保建英。

日前,久保建英喺FC東京U-23對住大阪櫻花U-23既比賽入面,為主隊攻入全場唯一既入球,唔單只成功幫助球隊贏波,仲令到自己成為日本青年職業聯賽入面,最年輕既入球球員。


值得一提既係,有日本媒體報導,15歲既久保建英將會破格入選日本U-20國家隊,並準備喺下個月舉行既U-20世界盃裡面,代表日本青年軍出戰。呢位「日本美斯」連跳兩級既消息,迅速喺日本國內瘋傳,亦都有好多球迷睇好呢位小朋友,可以喺今次既比賽入面「擔大旗」。

出身喺拉瑪西亞青訓營既久保建英,同美斯一樣都係左腳仔,球風十分相似,而喺舊年加盟FC東京既青訓系統之後,一直都保持住好出色既表現。

標籤: 久保建英  

留言


請按此登錄後留言。未成為會員? 立即註冊
    快捷鍵:←
    快捷鍵:→