俾好多墨西哥球迷封為「賤男」既利華古遜前鋒查維亞靴南迪斯，被發現同拍拖3個月既女演員卡美拉（Camila Sodi）分左手。對於同「小豆」分開既消息，卡美拉日前接受訪問個陣咁講：「同佢一齊真係太大壓力啦，呢個就係我地分開既原因。我地之間既關係愈來愈遠，而且喺網上，我地收到好多惡意既批評，所以我地選擇分手。」點解會俾人惡意批評呢？全因查維亞靴南迪斯當時為左同卡美拉一齊，選擇拋棄身患肺病既記者未婚妻路絲亞（Lucia Villalon）。有傳卡美拉係「小豆」同路絲亞之間既第三者，亦都有傳呢位墨西哥國腳係為左唔想結婚，先同卡美拉搞婚外情。
請按此登錄後留言。未成為會員? 立即註冊