【笪地爛哂】曼聯歐霸對手嘅主場，俾俄超官方暫時禁用！

由有趣足球事件簿於 16/03/2017 發表收藏文章

曼聯既歐霸對手羅斯托夫，有一樣野好出名，就係爛地球場啦，而呢個球場既名就係奧林普二號球場。由於草皮質素實在太差啦，所以俄超官方日前就宣佈，禁止羅斯托夫既主場再用黎舉辦任何賽事，要俾啲時間養草。

對於呢個決定，唔少曼聯球迷都好有意見，佢地質問點解俄超官方要喺曼聯1：1客和羅斯托夫之後，先宣佈呢個消息，完全漠視紅魔球員的安全。不過，有網友就突破盲點，話禁用球場既決定只係屬於俄超，而唔係歐洲足協，所以歐霸喺度踢，絕對合理。
計我話，曼聯都未見識過真正既爛地場，曼城就見過啦！問下泥格度就知咩料啦！