【無官一身輕】球迷拜訪府上，雲尼亞里表現親切

由有趣足球事件簿於 25/02/2017 發表收藏文章

雖然慘食李斯特城既無情雞，但係雲尼亞里都依然面帶笑容，睇黎精神仲唔錯添！喺俾李城炒左之後，有記者發現有位媽媽帶住兩個小朋友，去到雲尼亞里府上拜訪，而雲帥都好親切咁單膝跪地，同佢地合照。

唔單止咁，兩位小朋友仲向雲尼亞里送左張心意卡，唔知係咪為呢位2016年既年度最佳教練打打氣呢？之後，雲帥就揸車走人啦，唔知係咪返去李斯特城度收拾細軟呢？