【南韓美斯】巴塞小將的違約金,將被提升至1200萬歐元?

有趣足球事件簿 於 05/01/2017 發表 收藏文章
喺拉瑪西亞既青訓營入面,充斥住好多來自世界各地既足球好手,而好多進攻球員都會被封為「乜乜美斯」,而來自南韓的李勝宇就係其中一位,咁佢個朵就緊係叫「南韓美斯」啦!


唔經唔覺,李勝宇就黎19歲啦,效力喺巴塞青年軍咁多年,佢一直都踢得十分出色,仲成日喺國際賽爭取到好表現添!喺訪問入面,呢位「南韓美斯」就提到自己既將來,佢話希望繼續留喺魯營,仲希望可以喺有朝一日,代表巴塞一隊出戰添!

據了解,原來李勝宇喺下季,就會正式加入巴塞B隊,但係有媒體就預料,呢位南韓射手好大機會被借走,唔知佢會唔會因為咁,而提早喺西甲亮相呢?值得一提既係,19歲既李勝宇喺被提拔上B隊之後,合約違約金將會從300萬歐元,大幅提升至1200萬歐元,足證「地上最強」對佢充滿期望!
標籤: 李勝宇  

留言


請按此登錄後留言。未成為會員? 立即註冊
    快捷鍵:←
    快捷鍵:→