【我差點講真】前阿仙奴球員:我曾想自殺!

有趣足球事件簿 於 24/12/2016 發表 收藏文章
唔知大家仲記唔記得前阿仙奴右閘伊保爾呢?喺日前嘅一次訪問入面,呢位科特迪瓦老將話自己曾經諗過自殺!


由於拖欠經理人人工,所以伊保爾依家被國際足協罰緊停賽1年,而喺呢段無得踢波嘅日子裡面,呢位33歲嘅後衛就曾經想過自殺。佢話,因為被禁賽,令到自己連床都唔想落,仲諗過去死,好彩家人俾咗好多鼓勵佢,令到走出陰霾,而最重要嘅係,佢唔捨得7歲嘅囝囝。

伊保爾個囝囝依家踢緊阿仙奴青年軍,而有唔少家長就曾經透過小朋友,了解吓伊保爾其實係咪掛咗靴,令到佢好難受。佢仲話,自己想問吓好友高路托尼嘅意見,但係呢位前利物浦球員依家喺蘇超都係踢得麻麻,所以唔想煩人。

如果照咁落去,伊保爾真係好大機會做傻事喎,希望佢早日諗通啦!自殺係解決唔到問題架!
標籤: 伊保爾  

留言


請按此登錄後留言。未成為會員? 立即註冊
    快捷鍵:←
    快捷鍵:→