【傷追人】曼城中場受重創,可能要休戰8個月!

有趣足球事件簿 於 16/12/2016 發表 收藏文章
作為曼城今季嘅焦點新兵,德國中場根度簡嘅表現其實都算對板,但係有傳佢喺出戰屈福特個陣,好唔好彩咁再次重傷,仲可能係出現右腿膝蓋前十字韌帶撕裂嘅問題,真係好慘!


喺加盟曼城之前,根度簡經已係多蒙特著名嘅「文員」之一,因為佢近幾季真係傷多過踢,做手術都做咗N咁多次,仲曾經因為受傷,先後缺席2014年嘅巴西世界盃,同埋幾個月前喺法國搞嘅歐洲國家盃。

目前,根度簡詳細嘅傷患報告仲未出架,但係德國《圖片報》就話,呢位德國中場肯定係出現十字韌帶撕裂,需要休戰6-8個月,而呢個消息對於曼城或者德國國家隊黎講,都絕對唔係一個值得開心嘅消息。
標籤: 根度簡  

留言


請按此登錄後留言。未成為會員? 立即註冊
  • Wo Yuen 於 16/12/2016 評論 NO. 1

    可惜

  • Paul Tsang23 於 16/12/2016 評論 NO. 2

    又傷 無啦 卑人賣硬

快捷鍵:←
快捷鍵:→