【真心無運】某德甲球會嘅中柱數字，刷新聯賽歷史！

由有趣足球事件簿於 11/12/2016 發表收藏文章

尋晚嘅德甲聯賽入面，除咗拜仁慕尼黑以5：0狂數禾夫斯堡夠精彩之外，弗賴堡主場出戰達斯泰特場波一樣夠哂話題性。到底點解呢？

雖然比賽結果只係1：0，弗賴堡險勝達斯泰特，但係令人關注呢場波嘅原因，就係主隊創下一個新嘅德甲紀錄。權威統計媒體《Opta》指出，喺44分鐘收獲一個中柱攻勢嘅弗賴堡，原來今季已經有8次嘅埋門，俾門將嘅好朋友門柱救出，而係德甲史上，從未有球隊喺聯賽前14輪入面，錄得8次中柱，真心無運！

不過，弗賴堡依家總算係排緊德甲第8，都唔算太差姐。