要數今季最令人失望嘅射手，拜仁慕尼黑嘅湯馬士梅拿同埋李斯特城嘅占美華迪一樣有份，因為佢地兩個喺季初一樣入唔到波，仲要經歷咗一段好長嘅入球荒！
點知，佢地兩個嘅射手本色喺同一晚全部返曬黎！先講湯馬士梅拿，喺拜仁出場出戰禾夫斯堡嘅聯賽入面，呢位德國國腳終於打破今季嘅入球荒。當時，拜仁喺左路組織攻勢，而喺時來運到之下，個波就好似波子機咁，撞到去湯馬士梅拿腳前，然後佢就輕輕一熨，咁就入波啦！
統計發現，原來呢位德國前鋒嘅入球荒，岩岩好去到第999分鐘被打破，而呢個幸運成份十足嘅入球，就係湯馬士梅拿今季第一個德甲入球啦！最後，拜仁以5：0大勝禾夫斯堡。
至於「華Dee」就仲勁，一係唔入，一入就入3球！喺上半場短短嘅20分鐘入面，占美華迪先後接應施利文尼同馬列斯嘅助攻入波，帶領李城以3：0嘅優勢返入更衣室。去到下半場中段，曼城後衛史東斯突然自殺式回傳，搞到巴禾失位，而「華Dee」就把握機會偷到個波，然後一射入網，成功「戴帽」！
華迪連中三元：
https://www.youtube.com/watch?v=XtG-LEyge6o
唔講唔知，占美華迪個入球荒已經維持咗3個月，而喺上個禮拜，李斯特城教練雲尼亞里亦都因為咁，警告過占美華迪，而呢位英格蘭前鋒今個禮拜就入波啦，或是呢啲就叫「一言驚醒洛克人」啦！
值得一提嘅係，原來今次係「華Dee」第一次喺英超連中三元，而對手仲要係哥迪奧拿領軍嘅曼城，今鋪仲唔威過威士忌？
點知，佢地兩個嘅射手本色喺同一晚全部返曬黎！先講湯馬士梅拿，喺拜仁出場出戰禾夫斯堡嘅聯賽入面，呢位德國國腳終於打破今季嘅入球荒。當時，拜仁喺左路組織攻勢，而喺時來運到之下，個波就好似波子機咁，撞到去湯馬士梅拿腳前，然後佢就輕輕一熨，咁就入波啦！
統計發現，原來呢位德國前鋒嘅入球荒，岩岩好去到第999分鐘被打破，而呢個幸運成份十足嘅入球，就係湯馬士梅拿今季第一個德甲入球啦！最後，拜仁以5：0大勝禾夫斯堡。
至於「華Dee」就仲勁，一係唔入，一入就入3球！喺上半場短短嘅20分鐘入面，占美華迪先後接應施利文尼同馬列斯嘅助攻入波，帶領李城以3：0嘅優勢返入更衣室。去到下半場中段，曼城後衛史東斯突然自殺式回傳，搞到巴禾失位，而「華Dee」就把握機會偷到個波，然後一射入網，成功「戴帽」！
華迪連中三元：
https://www.youtube.com/watch?v=XtG-LEyge6o
唔講唔知，占美華迪個入球荒已經維持咗3個月，而喺上個禮拜，李斯特城教練雲尼亞里亦都因為咁，警告過占美華迪，而呢位英格蘭前鋒今個禮拜就入波啦，或是呢啲就叫「一言驚醒洛克人」啦！
值得一提嘅係，原來今次係「華Dee」第一次喺英超連中三元，而對手仲要係哥迪奧拿領軍嘅曼城，今鋪仲唔威過威士忌？
請按此登錄後留言。未成為會員? 立即註冊