【好有愛】15歲癌童，成為《FIFA 17》傳奇球員！

由有趣足球事件簿於 07/12/2016 發表收藏文章

曾幾何時，作為球迷嘅大家，或者都希望自己有朝一日能夠成為一名職業足球員，然後喺電子遊戲入面，用返自己嘅角色去打機，而喺無幾耐之前，一位叫Kenton Doust嘅15歲男仔，就擁有自己嘅FIFA球員卡。到底點解呢？

原來喺2015年個陣，Kenton Doust個腦就發現咗有3粒腦瘤，而一直希望成為一名足球員嘅佢，幾乎無可能完成自己嘅心願。作為溫哥華白帽嘅球迷，依家已經接受過無數次嘅化療，目的就係為咗繼續生存。

為咗向Kenton Doust表示支持，遊戲開發商EA Sports決定將呢位小球迷嘅資料，制作成一張FIFA球員卡，聽講仲可以俾各位球迷喺《FIFA 17》入面，用到呢位特別球員。