除咗宣佈年度最佳陣容嘅55人候選名單之外，國際足協日前亦公佈咗2016年嘅最佳教練最強三強，佢地分別係施丹、雲尼亞里同埋費蘭度山度士，而佢地都有一個共通點，就係今年幫過所屬球隊拎冠軍！
施丹上季率領皇馬，喺歐聯殺退唔少強敵，最終成功拎埋歐聯冠軍；至於作為上屆最大嘅神話，英超冠軍李斯特城嘅雲尼亞里，亦都大熱入選。
最後一位入選嘅教頭係帶領葡萄牙國家隊拎到今年歐洲國家盃冠軍嘅費蘭度山度士，但係有球迷就認為，喺決賽場邊做過指揮嘅C.朗拿度，更加值得入選！咁當然，呢句係講笑啦！
不過，亦都有唔少球迷對今年嘅最後三強，感到奇怪，因為過往經常入選嘅哥迪奧拿、安歷基全部冇影！咁好難怪嘅，畢竟哥帥同安帥舊年喺德甲同西甲封王，過程都較輕鬆，無葡萄牙、皇馬同埋李城咁戲劇性嘛！
參考：
http://www.fifa.com/the-best-fifa-football-awards/news/y=2016/m=12/news=ranieri-santos-and-zidane-in-the-running-to-be-the-best-2857295.html
施丹上季率領皇馬，喺歐聯殺退唔少強敵，最終成功拎埋歐聯冠軍；至於作為上屆最大嘅神話，英超冠軍李斯特城嘅雲尼亞里，亦都大熱入選。
最後一位入選嘅教頭係帶領葡萄牙國家隊拎到今年歐洲國家盃冠軍嘅費蘭度山度士，但係有球迷就認為，喺決賽場邊做過指揮嘅C.朗拿度，更加值得入選！咁當然，呢句係講笑啦！
不過，亦都有唔少球迷對今年嘅最後三強，感到奇怪，因為過往經常入選嘅哥迪奧拿、安歷基全部冇影！咁好難怪嘅，畢竟哥帥同安帥舊年喺德甲同西甲封王，過程都較輕鬆，無葡萄牙、皇馬同埋李城咁戲劇性嘛！
參考：
http://www.fifa.com/the-best-fifa-football-awards/news/y=2016/m=12/news=ranieri-santos-and-zidane-in-the-running-to-be-the-best-2857295.html
請按此登錄後留言。未成為會員? 立即註冊