【Hea碧教踢波】貝碧托夫：踢波同溝女一樣！

由有趣足球事件簿於 17/04/2017 發表收藏文章

人稱「瀟灑哥」既前保加利亞國腳貝碧托夫，除左出名踢完波個髮型唔變，同埋擁有淡定而細膩既腳法之外，佢既言論有幾都幾出位架。

日前，貝碧托夫喺訪問入面講起點樣可以踢得一腳好波，「Hea碧」就用男女關係做比喻，話要擁有出色既球技，就需要當個足球好似女人咁，要對佢好溫柔喎。

貝碧托夫咁講：「踢波就好似拍拖咁樣，你要好溫柔咁對待個足球，就好似同女人相處咁。」呢個道理，咁似《嚦咕嚦咕新年財》入面講到既「牌品好就牌技好」既？

按此觀看圖片