【非池中物】獨闖龍潭!皇馬超新星完成靚絕入波!

有趣足球事件簿 於 14/01/2017 發表 收藏文章
一直以黎,皇家馬德里既青訓系統都受到猛烈既批評,因為一隊既「一年一星」政策,令到好多既潛力新星都相繼轉會,令到銀河艦隊成為左一支過份倚賴金錢建造既球隊。


不過,令到一眾皇馬球迷安慰既係,皇馬自從施丹入主左之後,開始重用一班星味唔高,但係能力就好出眾既本土新星,就好似華斯基斯咁。至於另一位焦點阿辛斯奧,雖然唔似得華斯基斯咁,係由皇馬既青訓營出身,但係呢位西班牙中場一樣咁犀利架!

喺較早前既西班牙國王盃16強次回合入面,皇馬作客以3:3逼和西維爾,而年僅20歲既阿辛斯奧都有一球進帳,而且呢球波功架十足!當時係47分鐘,阿辛斯奧借住西維爾既角球攻勢唔成功,而進行快速反擊,就好似上演緊慢版既「傳給3秒後的自己」咁,一個人跑足大半場入波,簡直無得頂呀!

https://www.youtube.com/watch?v=-SXHZ6qEK5o

https://www.youtube.com/watch?v=FZ3TR8Q_mH0
https://www.youtube.com/watch?v=izqt5xYMHpw

今季,阿辛斯奧深得施丹重用,佢依家經已喺各項既賽事,代表皇馬上陣左20次,收獲左7入球1助攻,效率相當出色!難怪施丹當佢好似親生仔咁錫,睇佢仲多過睇伊斯高同占士洛迪古斯啦!
標籤: 阿辛斯奧  

留言


請按此登錄後留言。未成為會員? 立即註冊
    快捷鍵:←
    快捷鍵:→