【雲尼亞里是無辜的】華迪兩球、飲水哥世界波,李城大炒利物浦3:1!

有趣足球事件簿 於 28/02/2017 發表 收藏文章
冤枉呀大人!翻案呀大人!李斯特城喺炒左雲尼亞里之後,即刻喺聯賽以3:1,大炒之前去左西班牙進行特別訓練既利物浦,其中主力射手華迪仲梅開二度添,仲唔係有鬼?

之前,一路都傳緊係李城既班員夾手夾腳逼走雲尼亞里,而喺雲帥下台短短幾日之後,佢地就以3:1大勝利物浦,成件事根本愈睇就愈似上季既車路士!Hea踢搏炒教練!唔怪得知摩連奴之前喺記者會上,係咁擁護雲尼亞里啦,可能係感同身受呀!

除左華迪入2球之外,中超真禾特都入左球靚波!呢位英格蘭國腳喺雲尼亞里在位期間,今季一球波都無入到,喺雲帥一走之後,就入球世界波,會唔會係咁巧合呀?(可能真係咁巧合)




當然,李城今場踢得咁好,絕對係關利物浦踢得差事既,法明奴、文尼幾乎全場隱形咁制,而主隊又急住拎3分護級,踢返場爭氣波都好合理既。不過,到底係咪真係有鬼?就真係一班球員先知啦。

如果喜歡我們的文章,請即分享到︰

標籤: 真禾特  雲尼亞里  華迪  

留言

會員
我要評論
請按此登錄後留言。未成為會員? 立即註冊
  • joesiu
    joesiu 於 28/02/2017 評論 NO. 1

    中超真禾特?

  • Ivantse
    Ivantse 於 28/02/2017 評論 NO. 2

    只是虛火,最後一定降班

快捷鍵:←
快捷鍵:→