【進入直路】PFA年度最佳球員六人候選名單公佈:哥斯達冇份

有趣足球事件簿 於 13/04/2017 發表 收藏文章
日前,英格蘭職業球員協會公佈今屆的PFA年度最佳球員既候選名單,六大球星赫然在列,佢地分別夏薩特、伊巴謙莫域、哈利簡尼、簡迪、盧卡古同埋山齊士。


令人意外既係,今季表現都算出色既車路士前鋒迪亞高哥斯達,居然落選最後既6人名單,而呢位西班牙國腳就係藍軍今季入波最多既球員。

至於熱刺前鋒哈利簡尼,就係名單裡面唯一一位既英格蘭籍球員,而佢依家已經喺聯賽入左19球,仲交出左4次助攻,效率相當出色,但係拎獎既機率就被睇淡啦。

6人名單入面,簡迪係唯一一位既防守球員,好多球迷都希望呢位法國國腳可以拎到呢個個人獎項。至於上屆既PFA年度最佳球員獎得主,就係李斯特城翼鋒馬列斯。


與此同時,PFA年度最佳年青球員既6人候選名單都公佈左,而入選既分別係阿里、哈利簡尼、米高堅尼、盧卡古、碧福特同埋利萊辛尼。

值得一提既係,盧卡古同哈利簡尼都入選左PFA英超年度最佳球員既最後6強,至於上屆最佳年青球員既得獎者阿里,今年亦都有入選,而佢衛冕既機會都好大架。

參考:
https://twitter.com/PFA

留言


請按此登錄後留言。未成為會員? 立即註冊
  • 流星 於 13/04/2017 評論 NO. 1

    ,牛颈

快捷鍵:←
快捷鍵:→