【誤墮法網】艾辛、高爾慘變黑工,隨時坐5年監!

有趣足球事件簿 於 20/04/2017 發表 收藏文章
做黑工係犯法就係人都知,但係點估到,連做一個職業足球員,都可能會誤墮法網之得架。

較早前,前車路士球星艾辛同卡頓高爾先後加盟左印尼球隊萬隆,頓時令到呢支印尼勁旅聲名大噪,點知萬隆原來遲遲都無幫佢地申請工作證,所以喺法律既層面上,艾辛同卡頓高爾就變左做黑工,分分鐘要坐監架。


據了解,原來萬隆一開始幫艾辛同卡頓高爾申請既,只係暫時居留證,而唔係工作證,而印尼移民局就表示,因為呢兩位前車路士球星係職業球員,所以需要有工作證,先可以喺印尼以踢波為生,如果唔係就會俾人拉去坐監,最高可能要坐5年添。

事後,萬隆既領隊喺訪問入面表示,艾辛同卡頓高爾都係著名既球星,唔係非法勞工,呢個係人所共知既事,但係呢番言論出街之後,就有媒體發現萬隆急急腳咁向移民局補交資料,唔知係咪知衰呢?

參考:
http://www.goal.com/en/news/8/main/2017/04/18/34707912/essien-cole-face-jail-for-breaking-indonesian-immigration

如果喜歡我們的文章,請即分享到︰

標籤: 艾辛  卡頓高爾  萬隆  

留言


請按此登錄後留言。未成為會員? 立即註冊
    快捷鍵:←
    快捷鍵:→