【自以為是】曾經有皇馬球員,幻想自己係馬勒當拿 / C.朗拿度?

有趣足球事件簿 於 28/04/2017 發表 收藏文章
日前,前皇家馬德里教練舒斯達喺訪問入面,講咗一段引來無限猜想既說法。舒斯達咁講:「喺皇馬陣中,有人認為自己同馬勒當拿同C.朗拿度處於同等既水平。」

此言一出,好多球迷即時估計舒斯達口中所講既人係邊位,而舒帥喺訪問入面,就講咗一個好重要既貼士,就係呢一位球員依家已經離開咗皇馬。

舒斯達咁講:「我好欣賞阿辛斯奧同伊斯高,因為呢兩位年青球員既心態都十分正常,唔係個種自以為是既傻佬,冇想像自己同馬勒當拿同C.朗拿度處於同一水平。」


事後,西班牙《馬卡報》進行咗一項民意調查,俾廣大既球迷同網友,估計呢一位咁自以為是既球員係邊個。投票結果發現,得票最高既一位係依家效力緊拉斯彭馬斯既前鋒球員謝斯,第2位係「單車少年」羅賓奴。

現年24歲既謝斯,喺舊年夏天被皇家馬德里賣咗去巴黎聖日耳門,轉會費係2500萬歐元,但係由於水土不服,令到佢唔受PSG既重用,所以呢位西班牙射手最終喺今年1月,決定回歸西甲,以借將身份加盟拉斯彭馬斯。


參考:
http://www.marca.com/futbol/real-madrid/2017/04/27/5901b2b946163fee348b4579.html

如果喜歡我們的文章,請即分享到︰

留言


請按此登錄後留言。未成為會員? 立即註冊
  • 閒雲野鶴 於 29/04/2017 評論 NO. 1

    點解冇人估呢條友係洛賓?當年蘇斯達手下最有信心講呢啲嘅會係其他人咩?

快捷鍵:←
快捷鍵:→