【白鹿徑會戰勝歸來】熱刺宣佈來季更換主場,同時有新球衣曝出?

有趣足球事件簿 於 29/04/2017 發表 收藏文章
日前,英超勁旅熱刺透過官網,宣佈一個重要既消息,就係佢地決定將下季既主場,設定為溫布萊球場,原因係白鹿徑球場既擴建工程暫時仲未完成。

據了解,白鹿徑球場喺完成擴建之後,將會可以容納61000名既球迷,但係擴建需時,所以熱刺已經向英足總申請,繼續借用白鹿徑球場做暫主場,以應付下季既比賽。



值得一提既係,其實熱刺今季已經係借緊溫布萊球場做主場架啦,原因係白鹿徑球場需要做一定既翻新工程,所以佢地就決定借用溫布萊,做歐洲賽既既臨時主場,但係溫布萊似乎唔太旺佢地,因為普捷天奴既球隊一早喺歐聯、歐霸既賽事出局。

除此同時,亦都有網友喺互聯網上面,發佈一張疑似係下季熱刺主場球衣既照片。由於熱刺既贊助商Under Armour既合約就黎到期,所以有傳佢地將會「轉投」Nike,新合約既贊助額仲可能高達1.5億鎊添!


不過,有細心既球迷發現,原來呢一件疑似既熱刺新波衫,同英格蘭國家隊既主場波衫係十分似樣架喎,大家又點睇呢?剔牌既波衫設計一向俾球迷鬧爆無新意,所以如果熱刺真係同Nike合作,件波衫無咁多花款都係好合理既。


更換主場聲明:
https://twitter.com/SpursOfficial

疑似新球衣:
https://www.thesun.co.uk/sport/3436077/tottenham-home-kit-leak-nike/

如果喜歡我們的文章,請即分享到︰

標籤: 熱刺  白鹿徑  溫布萊  

留言


請按此登錄後留言。未成為會員? 立即註冊
    快捷鍵:←
    快捷鍵:→