【曳啦你】考試出貓,皇馬後備被罰款3000歐元!

有趣足球事件簿 於 20/03/2017 發表 收藏文章
出貓呢個行為似乎係學生既專利,畢竟離開學校之後,大家都無乜應對考試既機會,但係皇家馬德里左閘干查奧,日前就被踢爆喺2012年出貓。或者正確黎講,係叫行賄。

據了解,干查奧當年俾左4000歐元個考官,希望佢好可以輕易幫自己完成筆試,而呢單野最終都被踢爆。日前,呢位葡萄牙國腳就表示,自己當年因為需要處理加盟皇馬既轉會,所以無時間溫書。


不過,干查奧就唔係好似《逃學威龍》既周星星咁,搵達叔幫手出貓,而係直接賄賂個考官,令到考官喺考試期間向自己打手勢,用黎提供正確既答案。事件曝光後,干查奧坦誠咁承認犯錯,仲話如果唔係有人提水,自己根本一題都唔識。

最終,呢位皇馬球員因為行賄被判罰款,金額係3000歐元,而呢筆費用將會用黎損左當地既食物銀行。

如果喜歡我們的文章,請即分享到︰

標籤: 干查奧  

留言


請按此登錄後留言。未成為會員? 立即註冊
    快捷鍵:←
    快捷鍵:→