【新魔7】摩連奴親自出馬，游說「佢」加盟曼聯！

由有趣足球事件簿於 07/04/2017 發表收藏文章

盛傳曼聯將會喺今個夏天，收購一位星級既射手，並會安排佢著起具有神聖意義既7號波衫添，但係到底呢位新兵，會係馬德里體育會既基沙文、拜仁慕尼黑既利雲度夫斯基，定係其他人呢？

答案可能係山齊士。

有智利媒體報導，曼聯主帥摩連奴對於山齊士既能力同鬥心都好欣賞，所以決定喺今個夏天，出手求購呢位智利國腳。為左早啲同山齊士達成共識，聽講摩佬仲已經私底下同山齊士接觸添。

當然啦，如果山齊士加盟曼聯，佢地既攻力將會變得更加恐怖，如果伊巴謙莫域選擇繼續留隊的話，呢個「7+9」既組合真係諗起都得人驚。不過，紅魔要成功簽到山齊士，最起碼都要有返個歐聯資格先既，如果唔係點吸引人地黎呀？