【救人一命】新特蘭「收咧」中場,化身救人英雄?

有趣足球事件簿 於 31/03/2017 發表 收藏文章
趁住今輪既國際賽週期,新特蘭中場屈摩亞(Duncan Watmore)選擇同女友,前往位處加勒比海既巴貝多度假,不過就唔好彩咁發生左意外。


當屈摩亞同女友坐喺快艇上面釣魚個陣,有另外一隻船撞向佢地坐緊既快艇,導致多位的乘客都跌左落水,其中包括3位老人家。喺緊急既關頭,屈摩亞設法營救呢3位老友記,仲幫助佢地坐上救生艇添。

其中,有一位乘客喺發生撞船之後血如泉湧,而屈摩亞就立即用T恤幫佢止血,直至呢位傷者送往醫院。事件發生後,好多網友都大讚呢位處於養傷期既新特蘭中場擁有極強的危機處理能力,仲話希望屈摩亞可以快啲好返添。

不過,要快啲似乎都幾難啦,因為屈摩亞係喺舊年12月對住李斯特城既比賽入面,傷及膝蓋十字韌帶,仲已經收埋咧啦。

如果喜歡我們的文章,請即分享到︰

標籤: 屈摩亞  

留言


請按此登錄後留言。未成為會員? 立即註冊
    快捷鍵:←
    快捷鍵:→