【拒絕提水】羅利斯唔信基奧特,搞到救唔到十二碼?

有趣足球事件簿 於 30/03/2017 發表 收藏文章
喺西班牙2:0贏左法國既比賽入面,焦點之一當然係「慢鏡球證」啦,因為呢個新既執法措施,喺呢場比賽入面,兩度推翻場內既判決。

當然,除左呢樣野之外,大衛施華主射既十二碼都好值得留意既。不過,值得留意既唔係大衛施華,而係法國既兩位國腳羅利斯同基奧特。



喺大衛施華準備處理十二碼既時候,基奧特喺遠處預測呢位西班牙中場既主射方向,但係羅利斯一於少理,決定撲向相反既方向,而大衛施華就真係射向基奧特所指既右下方,令到法國先失一球。

賽後,好多球迷都討論呢個畫面,話羅利斯應該選擇相信基奧特,但係亦都有人撐呢位法國隊長,話「銀河唯一」隻手指得太低啦,門將根本就無可能睇到。未知大家又有咩意見呢?

如果喜歡我們的文章,請即分享到︰

標籤: 大衛施華  羅利斯  基奧特  

留言


請按此登錄後留言。未成為會員? 立即註冊
  • 閒雲野鶴 於 30/03/2017 評論 NO. 1

    正常人守十二碼都望實個波嗰邊啦,仲有可能會望倒隊友隻手?

  • OhMyGirl_Arin 於 30/03/2017 評論 NO. 2

    咁易睇到咩 球場咁亂 同埋就算睇到 宜家玩開射手教龍門守龍?緊係信自己啦

快捷鍵:←
快捷鍵:→