【懷恨在心】曼聯獵物:點都唔會加盟呢支英超球隊!

有趣足球事件簿 於 19/05/2017 發表 收藏文章
有傳馬德里體育會前鋒基沙文,將會喺今個夏天,以一個相當高昂既轉會費數字,加盟英超豪門曼聯,但係原來呢位法國射手,喺同紅魔傳出緋聞之前,係曾經接近加盟阿仙奴喎,而呢一個消息仲要得到球員既親自確認喎!


喺2013年夏天,基沙文原來曾經得到阿仙奴既關係,而當時既佢就仲係效力緊皇家蘇斯達,全季仲要入咗10球添,表現唔錯架。

當時,有傳阿仙奴正考慮喺短期之內,向皇蘇報價求購基沙文,而呢位法國射手亦都相當期待喺同胞雲加麾下工作,所以一直都等緊槍手既報價,但係一直都等唔到,令到佢最終決定留隊,仲喺1年之後轉投咗馬德里體育會,踏上成名之路!

諗返起呢段往事,基沙文咁講:「當時,我曾經喺屋企,一直等待阿仙奴為我提出報價,我亦都相當希望投身酋長球場發展,點知等到轉會窗完結前既幾分鐘,經理人都係話我知,阿仙奴一直都冇出價求購我,甚至係從未都冇打算簽我,令到我十分傷心。」


「老實講,我幾恨呢一種行為,如果係有興趣簽人,其實應該一早就出手啦,點解要等呢?所以經理人幾日前話俾我知,阿仙奴打算喺今個夏天簽我,我都好直接咁拒絕咗,我唔想加盟一支曾經令我傷心既球隊。」

好老實講,阿仙奴既「險簽」名單有咁多人,如果每一位都好似基沙文咁,相信雲加呢一世都冇乜機會簽球星架啦,難怪佢會一直選簽幼齒啦!

基沙文訪問:
http://www.leparisien.fr/sports/football/antoine-griezmann-livre-ses-secrets-dans-une-autobiographie-18-05-2017-6959010.php

如果喜歡我們的文章,請即分享到︰

標籤: 基沙文  

留言

會員
我要評論
請按此登錄後留言。未成為會員? 立即註冊
  • Estyip
    Estyip 於 19/05/2017 評論 NO. 1

    最後幾句最應景!

  • 閒雲野鶴
    閒雲野鶴 於 20/05/2017 評論 NO. 2

    當年嘅暑假,雲加一心想打包奧斯爾同迪馬利亞,係咪真係有考慮過簽你都係一個羅生門。如果因為傳聞冇成真就要痛恨,咁你今個暑假就唔好留喺西甲喇,一陣車仔同曼聯嗰啲人見你冇嚟英超,又要怨恨又盛......

快捷鍵:←
快捷鍵:→