【巴之閉】迪維斯婚禮搞足4日,仲請埋阿根廷總統出席?

有趣足球事件簿 於 23/12/2016 發表 收藏文章
如果有球迷係準備結婚,小編建議大家唔好俾另一半睇到呢一單新聞,至於點解?睇落去你就明。阿根廷前鋒迪維斯日前同女友文絲利亞(Vanesa Mansilla)正式結婚,唔只邀請咗260位賓客出席,仲喺阿根廷同烏拉圭夾埋搞咗4日,認真豪華!

其實迪維斯同文絲利亞喺埋一齊好耐,仲經已有3個小朋友,但係男方一直未有俾任何名份女方,所以呢位前曼聯射手決定大搞,為老婆帶黎一個畢生難忘嘅婚禮!


據了解,好多球壇中人都會出席迪維斯嘅婚禮,包括球王馬勒當拿、前皇家馬德里中場加高同埋小保加嘅球會主席都有現身,最令人驚喜嘅係,有傳阿根廷總統馬克里(Mauricio Macri)都會到場。值得一提,馬克里係做過小保加嘅球會主席嘅。

點解話唔好俾另一半睇到呢單新聞呢?尤其係女方。因為迪維斯今次呢個婚禮真係好豪,洗咗勁多錢,費時各位巴打一陣俾未來老婆嘈啦。二來,人地請阿根廷總統到場,唔通你請香港特首咩?就算另一半唔介意,賓客都介意啦,係咪?

如果喜歡我們的文章,請即分享到︰

標籤: 迪維斯  

留言


請按此登錄後留言。未成為會員? 立即註冊
快捷鍵:←
快捷鍵:→