【嬲到爆衫】阿仙奴名將怒極撕爛衫,「左邊龍、右邊虎」霸氣盡現!

有趣足球事件簿 於 08/05/2017 發表 收藏文章
到底一個人嬲既時候,會火遮眼到一個咩地步呢?日前,喺一場阿甲既比賽入面,拉普拉達學生隊以0:0悶和小保加,而球賽既焦點,就去咗主隊教練韋華斯(Nelson David Vivas)身上,因為唔滿意球證既判決,喺離開球場個陣,佢選擇咗「爆衫」抗議!

比賽期間,韋華斯曾經抗議球證既判決,但係就因為呢個舉動,被球證趕咗出場,搞到呢位前阿根廷國腳最後嬲得制,扯爆自己件恤衫,仲一路行一路念念有詞,絕對稱得上係老馬有火!

https://www.youtube.com/watch?v=s2X46s3hIrk

https://www.youtube.com/watch?v=apJK3daSWEE
https://www.youtube.com/watch?v=eCQ7e7N38Y4
有關既片段傳開之後,有唔少既網友都盛讚曾經喺球員時期,效力過阿仙奴既韋華斯,絕對係一位夠哂熱血既教頭,仲話佢呢份既激情,足以勝過任何一位現役既兵工廠球員添,大家又點睇呢?

亦都有網友偏離重點,話韋華斯既紋身相當之有型,成功將份佬味帶出黎喎!不過,睇到呢一幕,唔知有冇香港既手足,諗起《唐伯虎點秋香》入面既老師呢?當日佢既「左邊龍、右邊虎、老牛在腰間、龍頭在心口」,成為唔少90後既集體回憶,或者係必講對白,大家又覺得似唔似呢?




如果喜歡我們的文章,請即分享到︰

標籤: 韋華斯  

留言


請按此登錄後留言。未成為會員? 立即註冊
    快捷鍵:←
    快捷鍵:→