【場面失控】里昂球員被球迷追打,迪比俾人打埋一份!

有趣足球事件簿 於 17/04/2017 發表 收藏文章
喺一星期入面,法甲勁旅里昂第二次因為球迷生事,導致球賽需要延遲進行。繼喺歐霸盃入面,有球迷掟煙霧彈之後,里昂今次遇上既問題仲大單,就係有球員俾球迷追打!至於今次既結局,就唔係淨係延遲開波咁簡單,而係比賽腰斬!

今輪法甲,里昂作客巴斯蒂亞,而喺賽前熱身個陣,有一位球迷闖入球場挑釁客隊翼鋒迪比,但係呢位前曼聯球員一啲都唔驚,仲示意叫私闖球場既球迷自己離場,而呢個舉動就激嬲左一班巴斯蒂亞既球迷,所以佢地就追比迪比黎揼,而里昂既二號門將哥真連(Mathieu Gorgelin)都係被襲目標之一。



最終,大約有50名既球迷衝左入場,而一眾既里昂球員都避哂入更衣室,而比賽亦都因為咁而延遲開波。點知踢完半場之後,衝突再次發生,而今次被襲擊既球員就係里昂正選門將安東尼盧比斯(Anthony Lopes)。

值得一提既係,有在場既保安人員都加入追打里昂球員既行列,令到場面極之混亂!喺第二次既追打出現之後,里昂立刻申請腰斬比賽,令到今場波只係踢左45分鐘姐。

如果喜歡我們的文章,請即分享到︰

標籤: 迪比  哥真連  安東尼盧比斯  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 17/04/2017 評論 NO. 1

    迪比畀球迷揼已經夠古怪,連球場保安都入場打埋一份算點?

快捷鍵:←
快捷鍵:→