【冇糧出】紐約宇宙正式「散Band」,全體球員被解約!

有趣足球事件簿 於 08/12/2016 發表 收藏文章
唔知大家仲記唔記得有隊波叫紐約宇宙呢?無錯啦!就係前皇家馬德里隊長魯爾踢過個隊,亦即係喺舊年黎過香港踢賀歲盃個隊呀!日前,紐約宇宙突然決定同隊內所有球員解約,因為佢地遇上財政危機。

上個月,紐約宇宙成功衛冕北美足球聯賽嘅總冠軍,但係又一次奪冠,對佢地嘅收入完全無幫助,而球隊最終決定同所有球員解約。不過,紐約宇宙嘅球會高層就承諾大家,11月份人工同埋年尾嘅獎金都會照出,但係12月份人工就無能為力啦。


據了解,紐約宇宙嘅球會主席依家周圍搵新投資者「泵水」,甚至曾經同來自中國或者中東嘅代表傾過,但始終未能夠成事。除咗一班球員之外,喺球會嘅文書人員亦都放哂假,而佢地就慘過班球員少少,因為佢地喺過去兩次嘅出糧日,都無糧出!

如果喜歡我們的文章,請即分享到︰

標籤: 紐約宇宙  魯爾  

留言


請按此登錄後留言。未成為會員? 立即註冊
    快捷鍵:←
    快捷鍵:→