【其實唔難】睇到一額汗,英國Youtuber徒手闖入酋長球場!

有趣足球事件簿 於 12/12/2016 發表 收藏文章
近年黎,一班名為Urban Climber嘅群體突然興起,到底佢地係咩人?即係鍾意徒手爬上幾十層樓高,為咗追求刺激感或者尋求挑戰嘅極限運動發燒友。到底Urban Climber又同足球有咩關係?

事緣一位叫DyingLlama嘅「Youtube8」呢,就喺網上發佈咗條片,話自己同朋友成功爬上咗阿仙奴嘅酋長球場,同埋韋斯咸嘅前主場烏普頓公園。見住佢地喺片入面,喺無做任何安全措施底下,成功就爬上球場頂,真係睇到觀眾一額汗。

https://www.youtube.com/watch?v=yDIYG_s0W-M

雖然DyingLlama對爬上球場表示其實唔難,但係佢地都真係差少少出事,因為佢地喺夜闖烏普敦公園個陣,唔小心觸發警報系統,令到全個球場著哂燈,但係佢地最終都係安全離場,無被保安捉到。

條片咁爆,緊係即時被瘋傳啦,有唔少球迷就認為,球場嘅保安實在太差啦,一班後生仔徒手就潛到入去,應該多作改善。又有消息話,DyingLlama同一班朋友可能因為夜闖球場而犯法,可能要俾人拉啦!
標籤: 阿仙奴  韋斯咸  

留言


請按此登錄後留言。未成為會員? 立即註冊
    快捷鍵:←
    快捷鍵:→